हल्ली हे असेच होते .....

हल्ली हे असेच होते

सुख दिसले कि दु:ख मागे येते

आनंदाच्या क्षणांना ते

आपल्यासमोर पळवून नेते .....

हल्ली हे असेच होते

उन्हात सावली दिसावी

अन् लगेच ती गायब व्हावी

तापत्या उन्हात तिने आपली साथ सोडावी.....

हल्ली हे असेच होते

दु:ख नशिबी आले की भाग्य पाठ फिरवते

जसे मरायला टेकलेले मांजराला

जणू कावळ्यांची टोळी चोच मारते

हल्ली हे असेच होते

कितीही ठरवले तरी मन उदास राहते

स्वतःस गुंतवून घेतले तरी

दु:ख कायम पाठी लागते ......

हल्ली हे असेच होते

कितीही चांगले असलो तरी

जग आपली परीक्षा बघते

आपल्याविरुद्ध कितीतरी कारस्थाने रचत असते ....

हल्ली हे असेच असते

तुम्ही कितीही चांगले वागा

तुमची फसवणूक होते

तुमच्या प्रेमळ स्वभावाची मात्र जग चेष्टा करते ......

हल्ली हे असेच होते...
मन आनंदी असते
दु:खासमोर मात्र
डोळ्यातून पाणी ओघळते ....

------ विकास सोमण

२४/०४/२०११