पोटात वाढवलेस नऊ महिने मला तू
जन्माला पण घातलेस कैक कळा सोसून
दिले अस्तित्व या जागी मला तू
सांग कसे फेडू हे तुझे पांग मी ...
दिले योग्य शिक्षण मला तू
खाल्ल्या खस्ता रोज अनेक तू
केले शहाणे दिले संस्कार तू
सांग कसे फेडू हे तुझे पांग मी ...
भरवलास घास मुखी माझ्या तू
प्रसंगी त्यागीला घास तुझ्या मुखाचा
कसा विसरू सांग मी क्षण त्या त्यागाचा
सांग कसे फेडू हे तुझे पांग मी ...
दिलीस माया मला या स्वार्थी जागी तू
बनविलेस निस्वार्थी मला या जन्मी तू
आदर्श तुझाच ठेवितो मनी मी
सांग कसे फेडू हे तुझे पांग मी ...
केलीस निस्वार्थ सेवा अंथरुणावरीही
विसरलीस तहानभूक सोडीलेस अन्न
आठविले अजूनही कि होते मन सुन्न
सांग कसे फेडू हे तुझे पांग मी ...
जरी जाहलो मी मोठा तरीही
शिकलो उभे राहायला पायावर तरीही
राहीन तुझा अजूनही तान्हा बाळ
सांग कसे फेडू मी हे तुझे पांग ...
चंदनाची उपमा देती हे जग त्यागासाठी
तूच खरे मूर्तिमंत उदाहरण त्यासाठी
दिले सुख मला तू स्वत: दुख सोसून
कसा राहा आई मी तुझ्यावाचून ....
-- विकास सोमण
०५ /०४/२०११
No comments:
Post a Comment