साथ शब्दांची ...

काळजातल्या भावनांनाआज शब्दांनी साथ दिली
बनून माझे सोबती त्यांनीही
तिच्या सौंदर्याला नकळत दाद दिली

कधी ती असते कोमल कळी
अन मी असतो तेव्हा माळी
कधी चांदण्या रातीचा शीतल शशी
कधी मी कप अन ती सांभाळणारी बशी

असली ती जवळ की प्रेमभावना तीव्र होते
अन तिच्या ओठावरच माझी कविता फुलते
कधी तिचा हात हातात घेऊन शब्द वेडावतात
बनून बेभान स्वतःच ओठात माझ्या खेळतात

आता माझे शब्द मलाच परके वाटतात
माझ्यासाठी नाही तर तिच्यासाठीच खुलतात
डोळ्यातली आसवे मग शब्दच अलगद झेलतात
बनून माझीच प्रतिमा तिला निरोप सांगतात ......

---- विकास सोमण
२४/०१/२०१२